Radio Evropa e Lirë raporton se tre policëve të Kosovës, që u kidnapuan nga forcat serbe më 14 qershor, u është shqiptuar masa e paraburgimit. Siç njofton ky medium, ata dyshohen për posedim të paligjshëm të armëve..
“Gjyqtari i procedurës paraprake në Gjykatën e Lartë në Kralevë e mori vendimin pas kërkesës së prokurorit publik të këtij qyteti në jug të Serbisë. Tash për tash nuk është e qartë kohëzgjatja e paraburgimit.” – shkruan REL.
Ndryshe, më 14 qershor, tre zyrtarët policorë të Kosovës u kidnapuan në veri nga ana e Serbisë, një akt që ngjalli shumë reagime në Kosovë. Në lidhje me këtë tëmë kanë folur edhe zyrtarët e Kosovës, por edhe ata të Serbisë. Sigurisht, edhe ndërkombëtarët nuk kanë mbetur të heshtur për këtë çështje.
