Policia e Kosovës, ka njoftuar se e ka arrestuar një person i cili e voziste në gjendje të dehur një veturë e cila nuk kishte as regjistrim. Sipas njoftimit, i dyshuari kishte tentuar t’i ikë zyrtarëve policorë, por pastaj ishte arrestuar.
Personi i dyshuar, pasi i kishte parë zyrtarët policorë, kishte dalë nga vetura dhe kishte vrapuar në drejtim të Stacionit të Autobusëve, ku edhe ishte arrestuar.
“Me date 05/06/2023 rreth orës 21:15 patrulla policore e Njësisë Rajonale e Komunikacionit Rrugor në Prizren, gjate patrullimit me veture civile, në rrugën Wiliam Volker, në lëvizje ka verifikuar targat e një automjeti, I cili ka rezultuar pa regjistrim nga data 02/06/2021. I dyshuari sapo ka vërejtur veturën e policisë është future në një rrugice. Patrulla policore ka sinjalizuar me drite rrotative që i njëjti të ndalon, por ai ka rritur shpejtuesin duke mos përfillur urdhrat e ligjshëm të policisë”, thuhet në njoftim.
“I dyshuari në ikje e sipër ka aksidentuar një automjet të parkuar dhe me një shpejtësi të madhe ka humbur nga dukshmëria e patrullës policore. Zyrtaret patrullues kanë vazhduar me kërkimin e veturës në fjale dhe kane ndaluar, i Njëjti posa ka vërejt veturën e policisë ka zbritur nga vetura dhe ka filluar te vrapoi në këmbë në drejtim të stacionit të trenit. Megjithatë policor kanë arrite të ndalojnë te dyshuarin pas rreth 600 ( E.E.23 vjeç ) nga Prizreni, i cili ishte në gjendje të dehur, ai arrestohet, prangoset dhe dërgohet Stacion për procedurë ligjore”, vijon njoftimi.
