Vetura e Radiotelevizionit Dukagjinit është thyer sot në Zveçan prej ku gazetarët po raportojnë për protestat që po zhvillohen atje.
Ndaj këtij sulmi ka reaguar edhe Asociacioni i Gazetarëve të Kosovës – AGK të cilët përmes një postimi në Facebook kanë thënë se kjo është vetura e dytë e këtij mediumi që është vandalizuar nga protestuesit lokalë.
Sipas, AGK-së nga ky sulm raportohet se nuk ka të lënduar.
“Ekipit të RTV Dukagjini gjatë raportimit në Zveçan i është dëmtuar vetura. Fatmirësisht raportohet se nuk ka të lënduar, në ndërkohë që kjo është vetura e dytë e këtij mediumi që është vandalizuar nga protestuesit lokalë” – thuhet në njoftimin e AGK-së.
Sipas, AGK-së në vazhdën e ngjarjeve në komunat veriore të Kosovës, ky është sulmi i 16 në drejtim të mediave brenda dy ditësh.
