Një shqiptar ka qëlluar për vdekje pronarin serb të një restoranti në qendër të qytetit të Duseldorfit në Gjermani.
Portali indeksonline ka raportuar se bëhet fjalë për Rrustem Llapin, kosovar 52 vjeçar me banim në Gjermani.
Sipas mediave vendase, pronari 38-vjeçar i një lokali në Herzogstraße në lagjen Friedrichstadt ka debatuar me një shqiptar 52-vjeçar me origjinë nga Kosova. Ata dolën jashtë restorantit për të zgjidhur debatin me tyre, por sherri u përshkallëzua dhe 52-vjeçari ka nxjerrë papritur armën dhe ka qëlluar disa herë viktimën.
Aktualisht është e paqartë nëse autori dhe viktima njiheshin me njëri-tjetrin.