Gjykata Themelore në Gjilan të mërkuren ka njoftuar për caktimin e masës së paraburgimit ndaj pesë personave nën dyshimin për kryerjen e veprave penale “vjedhje e rëndë” dhe “grabitje”.
Paparaci përmes burimeve të veta ka mësuar identitetin e personave që vodhën mbi 30 mijë euro në marketin “Bast” në Komunën e Vitisë. Po ashtu iu sjellim edhe pamje ekskluzive nga vjedhja.
Mejdi Bekteshi, Gentrit Samakova, Arianit Metallari, Meriton Metallari dhe Zabit Metallari janë personat që kryen vjedhje dy herë në të njëjtin market.
Sipas vendimit të gjykatës, masa e paraburgimit u është caktuar në kohëzgjatje prej një muaji.
Të pesë të dyshuarit, herën e parë vodhën 28 mijë euro kurse të dytën herë morën 2500 euro.
Gjykata përmes një komunikate ka dhënë edhe detaje se si janë kryer veprat.
“Me datën 01.06.2023, rreth orës 02:00, në rrugën “Dëshmorët e Kombit”, në Viti, marketin “B….”, me qëllim të përfitimit të kundërligjshëm pasuror për vete të pandehurit kanë kryer vjedhje të rëndë në dëm të të dëmtuarit A. H., në atë mënyrë që me përgatitje paraprake dhe planifikim të veprimeve, të njëjtit kanë shkuar në marketin e lartcekur, ashtu që fillimisht të pandehurit M. B. dhe G. S. hapin me forcë dyert e marketit, depërtojnë në brendi dhe në zyre të marketit marrin shumë prej 28.000€, e më pas largohen në drejtim të parkingut ku ishin duke i pritur të pandehurit M.M., A.M. dhe Z.M., të cilët ishin duke e siguruar terrenin. Po ashtu me datë 05.10.2023, rreth orës 23:00, në Viti pikërisht në marketin e njëjtë me qëllim që ti sjellin vetës dobi pasurore të kundërligjshme kryejnë grabitje në dëm të dëmtuarit A. H., në atë mënyrë që me përgatitje paraprake dhe duke i ndarë rolet, ashtu që të pandehurit M. B. dhe G. S., të maskuar e me përdorim të forcës apo kanosjes serioze duke mbajtur armë në dorë, ndaj të dëmtuarit H. H., ashtu që derisa i dëmtuari i kishte mbyllur dyert kryesore të marketit, të pandehuri i dalin para, në afërsi të marketit, në errësirë me ngjitës i’a mbyllin gojën të njëjtit… e më pas me forcë hapin dyert e marketit, depërtojnë në brendësi dhe aty marrin shumë prej 2500 €, e më pas dalin nga marketi dhe bëhen bashkë me të pandehurit M.M, A.M. dhe Z.M. të cilit ishin duke i pritur me veturë”, thuhet në njoftim.
Më poshtë pamjet: